Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Наурыз мейрамы жер бетіндегі ең көне мерекелердің бірі. Оның көктемгі жаңару, бірлік, татулық пен ізгілік мерекесі ретінде тойланып келе жатқанына бес мың жылдан асты. Наурыз Қазақстандағы құнарлылықты, достық пен махаббатты бейнелейді. Мерекенің бүкіл атмосферасы әрбір адамды биік санаға, әдептілікке, адамгершілікке, бауырмалдылыққа сүйіспеншілікке, сүйсінуге, мейірімділікке шақырады. Наурыз мейрамының онкүндігінде 16 наурызда тойланатын қазақ халқының ұлттық мәдениеті мен салт-дәстүрі күніне арналған «Защита» кітапхана пунктінде, жылы да көңілді, мейірімді де жарқын мереке «Наурыз тойы мереке, салт- дәстүрім береке» атты әдеби-сазды кеш өтті.

Бүгін кітапханашылар «Жыл басы - Наурыз мерекесі!» мерекелік бағдарламасымен ШҚО Ішкі істер департаментінің полиция қызметкерлерін «Көрісу күні - Амал мерекесімен!» құттықтады. Кездесу ІІД мұражай залында өтті. Оқушылар шығармашылық сарайынан шақырылған қонақтар «Шашумен» іс-шараны ашып, осы қасиетті Рамазан айында Жарапазан әндерін шырқап, ұжымға бақ-береке, бейбітшілік тіледі.

14 наурызда Наурыз мерекесін тойлау онкүндігі басталады. Қазақстанда бұл күнді Көрісу күні деп атайды немесе Амал күні деген атпен де тойланады. Ол «кездесу, жүздесу» деген мағананы беріп, Наурыз мейрамының басталуын білдіреді. Бұл туыстармен, достармен кездесу күні.

Мерекені тойлаудың міндетті дәстүрі – көрісу, құшақтасу – жас ұрпақ аға ұрпақтан бата мен ұзақ ғұмыр тілеп амандасып, қол алысады.