Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Ұлы Жеңіс күні қарсаңында «Ел қорғаған ерлер» атты мерекелік бағдарлама өткізілді. Іс-шара рухани атмосфера аясында Отан қорғаушылардың ерліктеріне арналды.

Кітапханада «Әйелдің жарқын әлемі» клубы аясында Аналар күніне арналған «Ана – өмір нұры» атты әдеби-поэзиялық кеш өтті.

Кеш бағдарламасы шынайы сүйіспеншіліктің көрінісіне айналды: жүректі тебірентер әсерлі өлеңдер оқылып, ең жақын жан — анаға арналған сырлы әндер шырқалды. Шағын әзіл-сықақ көрініс ананың қамқорлығы мен мейірімінің маңыздылығын айқындай түсті. Залдағы атмосфера ерекше жылылық пен шынайылыққа толы болып, жиналған қауымды бір арнаға тоғыстырды. Іс-шараның көркемдік әсерін LED-экрандағы сүйемелдеу арттырды: онда қатысушылардың аналарының фотосуреттері көрсетіліп, махаббаттың, қолдаудың символына айналды. Бұл бейнелер ана — әрқашан жанымыздан табылатын ең жақын әрі алғашқы адам екенін еске салды. Аналарға деген алғыс пен құрмет тек мереке күндері ғана емес, күнделікті өмірімізде де жалғасын таба берсін. 

Отан қорғаушылар күні қарсаңында кітапханада М. Әуезов атындаңы №17 орта мектептің 2-сынып оқушыларына арналған «Отан қаһармандары» атты патриоттық сағат өтті.

1 мамыр – Қазақстан халқының бірлігі күні қарсаңында әртүрлі ұлт өкілдері арасындағы достықты, келісімді және өзара құрметті нығайтуға бағытталған мерекелік іс-шара өтті.