Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Қала тұрғындары мен қонақтарының назарына кітапханада бедерлі-нүктелі қаріппен шығарған «Шабыттың алты нүктесі» атты «ерекше» әдебиетке шолу ұсынылды. Луи Брайль әліпбиін білмей «ерекше» әдебиетті оқу мүмкін емес. Барлық тілек білдірушілер үшін «Маған оқуды үйретіңіз» атты шеберлік сағаты көрсетілді. Шеберлік сағатында қатысушылар ерекше жазуға үлкен қызығушылық танытты. Олар зағиптарға арналған әліппемен ешқашан бетпе-бет келген емес, бедерлі нүктелері бар кітаптарды ешқашан көрген емес.

Кітап фестивалі аясында біздің алаңда балалар секторында «Кітаптағы білім күші» атты кітап көрмесі ұйымдастырылды. Балаларға тактильді кітаптар ерекше қызығушылық тудырды. Қатысушыларға көздерін жабық күйінде ойнайтын ойындар ұсынылды: затты сипап тану, болжау және әңгімелеу.

Зағип пайдаланушыларға арналған қосымшалардың тұсаукесері қала тұрғындары мен қонақтары үшін пайдалы және өзекті ақпаратты ұсынды. Тыңдаушылардың назарына «Логос» av3715.ru онлайн-кітапханасы, Be My Eyes (Менің көзім бол) қосымшасы, О Sullivan + (зағип, нашар көретін), зағиптарға арналған арнайы мүмкіндіктері бар Яндекс Go, NonVisual Desktop Access (NVDA) экрандық қолжетімділік бағдарламасы ұсынылды.

Фото

Қала тұрғындары мен қонақтары ерекше форматтағы кітаптармен безендірілген кітап аймағының көрсетіліміне қызығушылық танытты. Мұнда Л.Брайльдің бедерлі-нүктелі қарпімен орындалған «Абай» инсталляциясының тұсаукесері өтті. Көптеген адамдар мұндай кітаптарды алғаш рет көріп, қарапайым кітап пен Луи Брайль қарпіндегі кітаптың айырмашылығын көрді.