Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Дауыстап оқу үйірмесі - барлығына бірдей әдеби шығармалар қолжетімді болатын орын. Кітапханамыздағы үйірмеміздің кезекті отырысы «Бір ел - бір кітап» республикалық акциясы аясында Бердібек Соқпақбаев шығармашылығына арналды. Клуб мүшелері «Менің атым Қожа» шығармасын тыңдап, талқылады. Дауыстап оқу барысында мәтінді ұлғайтқыш құрал «Топаз» қолданылды.

Фото

Оқырмандардың әртүрлі санаттарына деген толерантты және құрметті қатынастарды орнату - кітапхананың ұсына алатын басты нәрселері болып табылады. Оларға көмек беруге, қолдауға, кеңес беруге әрқашан дайын болу. Зағип оқырмандармен үйде жұмыс істеу басты мәселе болып табылады. Көру қабілеттерінен айырылған адамдар, әсіресе егде жастағы адамдар үшін басқалармен тікелей байланыс жасап отыру өте маңызды.

Кітап оқу, әр адамның өмірінде үлкен рөл атқарады. Зағип адамдар үшін Брайл қарпімен кітап оқу әлемді тануға, жаңа идеяларды білуге және ой-өрісін кеңейтуге мүмкіндік береді.

Біздің кітапхана, зағип жандарға арналып Брайль қарпімен кітаптар шығару арқылы олардың дамуларына мүмкіндік береді.

2024 жылдың 2 қыркүйегінде Шығыс Қазақстан облыстық зағиптар мен көзі нашар көретін азаматтардың арнаулы кітапханасында ақын Фариза Оңғарсынованың 85 жылдығына арналған ақынның шығармашылығынан «Жыр - менің жалғыз тарланым» атты мәнерлеп оқу бойынша республикалық сайыстың қорытындысы шығарылды. Байқау ҚР зағип және нашар көретін азаматтарға арналған арнайы кітапханалар арасында онлайн форматта өтті.