Шығыс Қазақстан облыстық зағиптар мен көзі нашар көретін азаматтардың арнаулы кітапханасы

2023 жыл атаулы күндерге бай. Осындай атаулы мерейтойлардың бірі – зағип ақын Эдуард Аркадьевич Асадовтың 100 жылдық мерейтойы. Осы атаулы күнге орай арнайы кітапханада бедерлі - нүктелі және үлкейтілген қаріппен жарық көрген «Когда стихи улыбаются» жыр жинағының тұсаукесері өтті.

«Жүректе жастық шақ ән салады!» атты Қарттар күніне арналған мереке күздің жарқын бояуымен жарқырай түсті. Аға буын балалардың өнерін ата мен әжеге тән ыстық ықыласпен тыңдады. «Солнышко» балалар би тобының орындауындағы «Қара жорға» биі көрермендерді тәнті етті.

Арнайы кітапхананың Защита кітапханалық пунктінде «Тағдыр. Тарих. Тұлға.» атты Оралхан Бөкейдің туғанына 80 жыл толуына арналған әдеби сағат өтті. Оралхан Бөкей – қазақ әдебиетіне көркем публицистикалық стиль енгізген қаламгер. Оның қаламынан төгілген очерктер мен новеллалар ерекше оқылып, оқырман тарапынан ыстық ықыласқа бөленеді. О.Бөкей өзі туып-өскен Алтай өңірін шексіз сүйді.

Республикалық «Екі жұлдыз» шығармашылық дуэттер байқауы жаңа жұлдыздарды жарқыратып, жаңа есімдерді ашады. «Екі жұлдыз» VII зағип және нашар көретін шығармашылық дуэттердің Республикалық конкурсы қорытындысы бойынша Шығыс Қазақстан облыстық зағиптар мен көзі нашар көретін азаматтардың арнаулы кітапханасының оқырмандары Мукашев Мағзат пен Абылкаирова Динара дуэті дипломдармен марапатталса, ал әріптестеріміз Ишунин Денис пен Кузекпаева Гульбану дуэті «Көрермендер көзайымы» номинациясын жеңіп алды.