Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Қазақстан Республикасы Тәуелсіздік күні қарсаңында зағиптар мен көзі нашар көретін азаматтардың арнаулы кітапханасы №25 мектеп оқушылары үшін патриотизм сабағын өткізді. Оқу залында «Қазақстан – бейбітшілік және келісім территориясы» атты кітап көрмесі ұйымдастырылды. Балалардың ұлттық сана – сезімін ояту мақсатында Тәуелсіздік күні туралы терең мағлұматтар берілді.

«Үлбі әлеуметтік – бейімдеу орталығының» демалушылары үшін «Қазақтың бұлбұлы» атты Бибігүл Төлегенованың 90-жылдық мерейтойына арналған әуенді - әдеби кеш өтті.  Күміс көмей әншінің өмірі мен шығармашылық жолы тыңдармандарға баяндалды.

Тұңғыш Президент күні қарсаңында Ана мен бала орталығының «Көз микрохирургиясы» бөлімі балалары үшін Елбасы өмір жолынан үлгі ала отырып Отанын, халқын сүюге, азаматтылыққа, патриоттық сезімге тәрбиелеу мақсатында комментарийлі оқу шарасы өтті. Балалар еліміздің Тұңғыш Президенті Нұрсұлтан Әбішұлы Назарбаевтың өмір жолы, оқып білім алған, қызмет еткен жерлері мен сүйікті кітаптары туралы мағлұматтарды кітап көрмесінен алды.

ҚР Тұңғыш Президенті күні қарсаңында кітапханада №25 мектебінің бесінші сынып оқушылары үшін «Елбасының жұлдызды жолы» атты тарихи вояж өтті. Балалар Н.Ә.Назарбаевтың балалық, бозбала шағы, мектеп қабырғасындағы жылдары туралы әңгімені тыңдап, викторина сұрақтарына жауап берді.