Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Біздің әріптесіміз Ишунин Денис пен көркемөнерпаздар ұйымының белсенді қатысушысы Тамбаева Ания 2017 жылдың 21,22 қыркүйегінде Алматы қаласында өткен Республикалық көрмейтін және нашар көретін жандар арасындағы 2-ші «Екі жұлдыз» ән фестивалінде 3 – орын  алды және «Зағип және нашар көретін азаматтарға арналған Республикалық кітапхана» РММ-ң «Көрермендер көзайымы» номинациясымен марапатталды.

2017 жылдың 26 қыркүйегі күні кітапханамыздың акт залында ақын, ҚР  Мемлекеттік сыйлығының иегері Сырбай Мәуленовтың 95 – жылдығына арналған поэзия құмарлары үйірмесінің кезекті сабағы өтті.

2017 жылдың 21 қыркүйегі күні кітапхананың акт залында Брайль жүйесі бойынша оқу мен жазудан кіші сайыс өтті. Барлығы 6 адам қатысты. Оқу бойынша сайыста 2 топқа бөлінді: бастауыш және жалғастырушы. Бастауыштар үшін «Бобовое зернышко» ертегісінен, ал жалғастырушылар үшін - Д. Донцованың «Жаба с кошельком» романынан үзінділер алынды.

2017 жылдың 18 қыркүйегі күні  ШҚО  зағиптар мен көзі нашар көретін азаматтардың арнаулы кітапханасының оқу залында «Бір ел - бір кітап» акциясы өтті. Жас ұрпақтың санасына  Алаш ұғымын сіңіре беру үшін биылғы акцияда Алаш тақырыбы қамтылу керек деген оймен «Бір ел – бір кітап» республикалық акциясының қортындысы бойынша Алашорда мемлекетінің 100 жылдығына орай «Жыл кітабы – 2017» таңдауы ақын Сұлтанмахмұт Торайғыровтың шығармаларын оқу ұсынылды.