Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Арнаулы кітапхананың Защита кітапханалық пунктінде, Халық жазушысы, аудармашы, КСРО Мемлекеттік сыйлығының лауреаты, ҰОС қатысушысы Ә. Қ. Нұрпейісовтің 100 жылдығына орай, «Теңіздей толқыған қаламгер» атты еске алу сағаты өткізілді.

2024 жылғы 19 маусымда кітапхана негізінде Станислав Цихтың жетекшілігімен ерекше қажеттіліктері бар адамдарға арналған «Взгляд» инклюзивті театры өзінің алғашқы туған күнін атап өтті. Мерекелік бағдарлама барысында шақырылған қонақтардан жылы лебіздер мен құттықтаулар айтылды. Театр актерлері мен мүмкіндігі шектеулі балалардың қатысуымен қойылған «Біз өмір сүреміз!» композициясы барлық көрермендерді арманға сенуге үйретті. «Біз өмір сүреміз!» фестивалінің лауреаттары - Данила Дробышевтің, Есения Канталинскаяның, Татьяна Калабухованың және мереке қонағы Елена Шишаеваның орындауында әуенді әндер шырқалды.

2024 жылдың 18 маусым күні арнайы кітапханада Жошы ұлысының құрылуына 800 жыл толуына байланысты «Жошы ˗ тұлға, кезең, естелік» атты тарих сағаты өтті. Бұл сағатта оқырмандарға Жошы ханның өмірі мен жетістіктері, Алтын Орда мен Жошы ұлысының құрылуы баяндалып, тақырыпқа сай бейнежазбалар көрсетілді.

2024 жылдың 14 маусымы күні арнаулы кітапхана қызметкерлері «Таза Қазақстан» республикалық акциясы аясында кітапхана территориясына гүл отырғызу шарасын өткізді.