Шығыс Қазақстан облыстық зағиптар мен көзі нашар көретін азаматтардың арнаулы кітапханасы

Биыл ел болып тойлайтын, жыр дүлділі Жамбыл Жабаевтың 175-жылдық мерейтойына арналған, іс-шаралар кітапханамызда жалғасын табуда. Жақсымызды жарқырата мадақтау, ұлыларды ұлықтау - өскелең ұрпаққа патриоттық тәрбие беруіміз. Бүгін біз, ұлы жырауға арнау ретінде «Абыз ата рухына» атты өлең оқу флешмобын назарларыңызға ұсынамыз.

Биыл Қазақстанда Жаһандық Жер фестивалі өтеді. Осы аталмыш шараға байланысты 2021 жыл елімізде Экология жылы болып жарияланды. Еліміз бен бүкіл әлемді толғандырып тұрған экология мәселесі, бүгінгі біздің «Табиғатқа табын, Адам» атты эко-микрофонда көтерілді.

Көктем - жыл мезгілдерінің ішіндегі ерекше мезгіл. Себебі: бұл мезгілде тіршіліктің жаңару кезеңі басталады. Қыстың суығы кетіп, қар еріп, жер бетінің көгеретін кезі. Көктемнің белгісі болып есептелетін бәйшешек гүлі шығады. Сол сәттен бастап күн жылынып, шөптер, түрлі гүлдер шыға бастайды. Бізде оқырмандарымызға көктемгі көңіл күй сыйлау үшін терезе алдында жасалған көрме ұйымдастырдық. Көрмеге қызықты, түрлі жанрдағы кітаптар ұсынылған.

«Маршрут дайын, алдымызда «Оқуға апаратын жол...» деген сөздермен №25 мектептің үшінші сынып оқушылары үшін кітапты навигатор шарасы өтті. Жол жүру барысында оқушылар кітап бізге не береді, не үшін оқимыз деген сұрақтарға жауап берді. Маршруттың соңында кітапханаға - кітап оқумен бірге ойын ойнап, сурет салып, мультфильм көретін жерге жетті.